Podcast: Play in new window | Download
Astelehenero ohi dugunez, Euskal Herriko Bilgune Feministak kaleratzen duen Bilgune kontari astekariaren errepasoa egin dugu. Gaurkoan, Idoia Arraizak lagundu digu horretan. Hasteko, martxoaren 8ko emakumeen nazioarteko egunaren harira Bilgune Feministak kaleratu duen irakurketa aletu digu. Bilbo eta Bartzelona lotu zituen Correscales dinamikaren garrantzia ere nabarmendu du, bereziki, emakumeen prekarietatea ere kontuan hartu zutelako bertan. Leire Ibargurenek Klitto atari feministarako transexualitateaz idatzitako artikulua ere aipatu digu. Amaitzeko, joan den larunbatean Bilbon eginiko Eskola Feministaren bigarren saioaz hitz egin digu.
