Podcast: Play in new window | Download
Donostiako Koldo Mitxelena kulturgunean ikusgai dagoen Maide Lopez artistaren Tokialdatu erakusketak bikoiztu egiten ditu aretoko paretak. Horma berriek berriz pentsatzeko aukera ematen diote leku horri, ohiko erabilera dinamikak hautsiz eta aretoa beste modu batean ikusteko aukera emanez. Aldi berean, oztopo horrek beste ikuspegi eta ibilbide batzuk ere ekartzen ditu, ohikoak ez diren joan-etorriak sortuz. Horren guztiaren inguruko xehetasunak ekarri ditugu gaurko sormenaren tartera, Halabedi irratiko esatari Jon Aranbururen eta Ana Revuelta arte kolaboratzailearen eskutik.
