Podcast: Play in new window | Download
Zebrabideari ekin orduko egin ohi dugunez, irratien tartea zabaldu, eta bi astez behin bezalaxe, Tolosa aldera begira jarri gara, hango kontuen berri emateko Ataria irratiko esatari Iñigo Terradillos batu zaigu. Joan den maiatzerako hautes zerrendarik osatu ez zenez, Espainiako Gorteetarako hauteskundeekin batera egin zituzten udal hauteskundeak, abenduaren 20an, Baliarrainen, eta herenegun osatu zuten udala. Horren berri ekarri digu Terradillosek, batetik, eta Munduko Gazta Txapelketan garaikur bana lortu duten Berastegiko eta Tolosako gaztagileez ere hitz egin digu.
