Podcast: Play in new window | Download
Alderdian dituzten desadostasunak «txikikeriak» direla eta Ahal Dugu hausteko arriskurik ez dagoela nabarmendu du egunotan Roberto Uriartek, alderdiaren Araba, Bizkai eta Gipuzkoako idazkari nagusiak. Hitzokin garrantzia kendu nahi izan die azken egunetan zabaltzen ari diren zurrumurruei. Horiei buruz aritzeko komunikabideak deitu zituen herenegun Bilbora, baina agerraldia hastear zela eta kazetari guztiak han zirela, Madrilgo zuzendaritzaren dei bat jaso zuen, eta bertan behera utzi behar izan zuen prentsaurrekoa. Gora-behera horiez eta Ahal Duguren barnean egon daitezkeen diferentziez hausnartu dugu gaurko tertulian Oier Imaz eta Aitor Kaltzakortarekin.
