Podcast: Play in new window | Download
Aski izan dira 24 ordu Espainiako hedabide, iritzi sortzaile, agintari eta eragile unionistek buelta osoko pirueta harrigarri bat egiteko. Kataluniakoak boz autonomiko hutsak zirela esan dute, nekatu arte, ia hautetsontziak zabaldu arte. Emaitzak ikusita, baina, «boz plebiszitarioak» galdu izana egotzi diete independentistei. Eta, lehen balorazioen ondoren, ezer gertatuko ez balitz bezala geratu dira batzuk, ez dutela zertan mugitu iradokiz. Iñaki Petxarromanek horrela laburbildu du Berria egunkarian igandeko Kataluniako hauteskundeetako emaitzek eragindako erreakzio saldoa. Orain, aurrera begira jarri behar du Kataluniak, eta jarri nahi genuke guk ere. Haiek dituzten aukerez, guri zabal dakizkiguken ateez, eta gainerakoez hausnartu dugu gaurko tertulian Aitor Abaroa eta Ander Perezekin.
