Arrosa Irrati Sareko lagunok elkartasun beroena adierazi nahi diogu geure lagun eta Irulegi irratiko kazetari Jojo Bidarti. Ortzaizen gertatzen ari ziren atxiloketen berri ematera joana zen, eta, bertan, polizia bortizki oldartu zenean gomazko pilota batek jota zauritu, eta Donapaleuko ospitalera eraman behar izan zuten.
Gainera, irmo gaitzetsi nahi dugu egun hartako poliziaren jarrera, erabat zentzugabe eta neurriz kanpokoa iruditzen baitzaigu.
ARROSA irrati sarea Euskal Herri osoko irrati mordoxka baten elkarlanaren ondorioa da. Bertan biltzen garen irrati gehienak txiki xamarrak gara, herri edo eskualde mailakoak.
