Podcast: Play in new window | Download
2013ko ekainaren 8an aurkeztu zuten Gure Esku Dago dinamika Irungo Ficoban, eta handik urtebeterako erronka bota zuten, 2014ko ekainaren 8an Durango eta Iruñea jende katearekin lotzea. 150.000 euskal herritarrek bat egin zuten erronkarekin, eta jarritako apustua aise lortu zela esan daiteke. Hurrengo erronka igande honetarako euskal hiriburuetan antolatutako oihal kateak eta estadioetako ekitaldiak lirateke, nahiz eta tartean beste hainbat ekintza egon diren. Igandera begira jarri nahi dugu, izan ere, joan den asteburuan politikagintza, sindikalismo, kirola, kultura, kazetaritza eta beste esparru batzuetako hainbatek egin zuten agerraldia Gure Esku Dagok iganderako antolatutako ekitaldiekin, eta horietako bat izan dugu gure artean: Jon Maia bertsolaria.
