Podcast: Play in new window | Download
Inprobisazioaren adierazpen gorena da gurean bertsolaritza, ahozko tradizioaren pisua erakusten diguna. Baina ez gara munduan bakarrak. Gure historia, izan ere, idazketarekin abiatzen da, baina giza existentziaren azkeneko %6a baino ez da hori. Gainerakoa, ahozko tradizioz betetako milaka eta milaka urte dira. Eta horren baitan kokatzen dira munduko kantu inprobisatuak. Gaur, Mintzola Fundazioko Karlos Aizpurua lemazain hartuta, bidaia egin dugu munduko bazter ezberdinetatik, hango eta hemengo inprobisatzaileak ezagutzeko.
