Podcast: Play in new window | Download
Adina izango da, baina azkenean, urteen poderioz, zure burua urtaroen arabera autoerregulatzen ikasten duzu. Joan baitira euri zaparradapean kalean saltoka ibiltzeko garaiak. Etorri baita nostalgia, hosto jausiekin batera, Frantziako kanaletako ur geldiaren antzera, dena urpetzera.
Kazetariek gura dutena esango dute. Ez dugu jada goizean goizeko kronika entzun beharrik, egunak badoazkigula sentitzeko. Hareaz betetako bainujantzia egunero kenduko bagenu bezala da. Egun bat gutxiago. Errazagoa da joandako ordu galduak faltan sumatzea, probetxuz gastatutako orduen onurak zenbatzea baino.
Celosamente gordea badator berriz, udazkenarekin, poz apur bat zabaltzera bazterretan. Olatu berrien eta zaharren artean zein alde dagoen ez baitakigu. Ez dugu lortuko, baina saiatuko gara olatu berriak bidaltzen, itsaso barrurantz, opariren bat daramatela magalean.
