Podcast: Play in new window | Download
Gaurkoan Josune Uriberekin hitz egiteko aukera izan dugu San Telmo Museoak berriki zabaldu duen “Galiarren aroan” erakusketaren inguruan. Erakusketa Maiatzaren 25a arte ikusgai izango dugu Donostiako museoan eta honen inguruko hainbat ekintza ere antolatu dituzte bertan.
Bestalde, sagardotegi garaian murgilduta gaudela aprobetxatuta, Gipuzkoako Sagardoaren Elkarteko Unai Agirrerekin hitz egin dugu sagardoa eta bere dastaketaren inguruan, ikuspuntu historiko batetik. Izan ere, nahiz eta ez jakin zeinek sortu, gaur egun baino hedatuago zegoen elikagai honen kontsumoa Euskal Herrian eta Erdi Aroan jada dokumentatua daukagu.
Bukatzeko, Jon Martinezen kolaborazioa izan dugu. Gaurkoan emakumeen parte hartzea gasteizko 1976ko langile borrokan izango du hizpide. Gai interesgarri zein ezezaguna oraindik ere.
