Sekularen ordez gaur

Sekularen ordez gaur, menderatua kateak aldetik kentzeko ahaleginean, inertziaz mugitzen ez den hitzen bat bilatzen duenaren bisaia fosilizatua, gure herria euripean, mudantzarekin hasteko aginduen esperoan, elkar ikusi nahi ez eta elkar ulertu beharra, armadunak ateak kolpatzen, zementu lurrinez estalitako teknokratak haien gorbatak estutuz, lagun ezagun eta ezezagunak atxilo daramatzatenean, amorruz betetzen gaituzten irribarre koldarrak egunkari azalak betetzen, inertziaz mugitzen ez den hitzen bat harrapatu nahi lukeenaren tema, taberna izkinetako hizketaldiak, kobazuloaren irteera nondik den jakin gabe oinez, oihu bat, lau pareta, handik urte batzuetara bueltan etorriko den okada jasangaitza, sekularen ordez gaur, etsiaren ordez adorea, zalantzaren lekuan konbikzioa marrazten duen mugimenduren bat, hau ez den beste hura, norabait abiatzeko imintzioren bat sikiera.

One thought on “Sekularen ordez gaur

Comments are closed.

Hurrengo podcasta

Paradisu zinema #21 Bat bittan

ig. Urr 6 , 2013
Pribatutasun politika

Web honek cookie-ak erabiltzen ditu ahalik eta erabiltzaileei esperientzia onena eskaini ahal izateko.

Cookie-en informazioa zure nabigatzailean biltegiratzen da, eta hainbt funtzio betetzen ditu, hala nola gure webgunera itzultzen zarenean zu ezagutzea edo webguneko atal interesgarri eta erabilgarrienak aurkitzen laguntzea.

Pribatutasunari, legezko eskubideei eta cookie-ei buruzko informazio guztia duzu gure pribatutasun-orrian zein cookie-etan