Podcast: Play in new window | Download
Oraingo honetan arazo teknikoek amore eman dute kus kus doinuen musikaren indarraren aurrean. Izan ere, saio honetarako gure indarrik basatiena atera dugu amorruz “Iggy & the Stooges” taldearen bitartez. 40 urte dira aurten Detroiteko iguana “Iggy pop” eta bere mutilek amorruz beteriko doinuez osaturik dagoen “Raw Power” diska argitaratu zutenetik. Orain dela gutxi, berriz, “Ready to die” izeneko diska argitaratu berri dute. Garai haietan izan zuten sormenarengatik eta gaur egun eszenatoki gainean ematen duten indarragatik, kus kus doinuetan omenaldi bat merezi dutela uste izan dugu. Beraz, saio hau entzuten emanaldiko doinuen bitartez zuen amorrurik basatienak ateratzea espero dugu. Ziur saioa amaitzean hobeto sentituko zaretela, ez dugu dudarik.
