Podcast: Play in new window | Download
Egin dezatela probetxuzko zer edo zer, bila diezaiotela zentzu bat bizitzari, dena da metafisika inguruan bestela, dena da aurrekoaren kalko huts, papera paperaren gainean jarrita errepikatzen diren antzezlanak, barre eginez entretenitzen den publikoari zor zaion gorrotoa, deskuidatzen zarenerako zerbait lapurtuko dizun bizilaguna, dena metafisika, dena zantzo ahul eta single batean kabitzeko bezain hutsala, gauzak errazteko mekanismoak, ezer zalantzan jarri baino segurtasunak bilatzen dituen ikuslea, ekintzan parte hartzea debekatuta duena, isil eta gor mantentzeko hezi dutena; hesiz, mugaz, maskaraz mozorrotzen dena egunero.
Mila aldiz ikusitako emankizunaren aurrean dena berdin-berdin gertatzea desio duen jendea, beldurrari zor zaion gorrotoa.
