Podcast: Play in new window | Download
Ederra da irakurtzea, ipuin batean, adibidez: “herria lasai zegoen, atzerritarra bertara iritsi zen arte…”, “tabernako terrazan kafea hoztu zitzaion jendeari, atzerritarrari begira. Hark zekarren itxura, urruneko usaina, beste mundu bateko aire hori…”. Irakurlea harrapatzeko modu hoberik ez da. Atzerritik datorrenak haustura dakar, zerbait berria dakar. Baina non hasten da atzerria? Nor da atzerritarra?
Xabier Gantzarainek Berrian kateatu ditu, orain gutxi, atzerria eta aberriaren gaineko zenbait gogoeta. Celosamente gorde ditugu geurean, eta une berean baita zabaldu ere. Ez dagoelako zerbait une batez ezkutuan gorde, eta gero arnasa hartzera zabaltzea bezalakorik.
