Podcast: Play in new window | Download
Oreka galtzen dudanean etzan egiten naiz. Nahikoa da laino bakar bat teilatu hauek gerizpetan uzteko. Etzanda gogoratzen ditut ondoen ahaztu nahi nituzkeen denak. Hari fin bat da pentsatzen duguna sentitzen dugunarekin lotzen duena. Arnasa hartzea gogoratzea bezain sinplea izan daiteke mundua etzanda ikusten duzunean. Leihoak zabalik hartzen du loak mundua, euria hasi baino minutu batzuk lehenago. Barrutik ala kanpotik bustiko diren jakin gabe biluzten diren gorputzak kalean, hiru punturekin bukatzen diren esaldiek ezkutatzen dute beste guztia. Zeruan labaintzen diren hiru laino, oreka ez da inon existitzen, bustitako lurrak dira emankorrenak, nahikoa da laino bakar bat hiriko teilatu guztiak gerizpetan uzteko. Zutik ikusten zaitut, etzanda gogoratu nahi zaitudanean.
