Podcast: Play in new window | Download
Harri bat trenbidean, minutu gutxiko itxaronaldia, larritasun maila handiko uneak dira, ez dadila inor behar baino gehiago mugitu, ez dezala inork segurtasunezko katea zeharka, harri bat jarri baitute trenbidean, iraultzear da dena hemen eta ez dugu inon iraultzaren zantzurik usaintzen, aukera txikiak dira sekuentzia bakoitzean ezustean pasatzen zaizkigunak, kuku kantu goiztiarra, burdin arteko zarata, bagoi bat ikusten dugu pasatzen baina hurrengoa ez, hasiak dira poliziak harrobietan galdeketak egiten, errailetatik atera den mundua, kezko seinalea inon zapaltzerik ez duten biztanleentzat.
Erraiak kanpoan dituela arnasa hartzeari utzi dio, duela ezer ez, periodikoa leituz entretenitzen zen gidariak. Nahikoa izan dira harri bat eta leiho lausotua abiadura bizian zihoan mundua bere onetik ateratzeko.
